【星級斜槓族】Alfred許廷鏗自立門戶成立唱片公司 擁有歌手、牙醫、唱片公司老闆及Youtuber等多重身份 冀「自許紀錄」能夠繼續「容許發夢」

撰文：Lily

攝影：Zita

許廷鏗的《我的志願》

《我的志願》是Alfred於2016年發行的歌曲，當時的MV引起不少共鳴與感動，更引發大批樂迷在留言區内分享兒時寫過的「我的志願」。Alfred憶說：「我細個係想做一個醫生，咁而家都係一個醫生，只不過係一位牙醫。」自出道以後，Alfred從未放棄牙醫身份，一直在歌手及牙醫的工作上雙線發展。

身為一名斜槓族，Alfred無疑是一個專業的「時間管理大師」。擁有多重身份的他經常需要在診所及娛樂圈兩邊遊走，有時候早上結束牙醫的工作後，下午便需要切換至藝人模式，回到鎂光燈下繼續表演。Alfred坦言：「其實我都係夾硬分配我嘅時間，但呢個雙重身份所得到嘅，遠超於我要犧牲嘅嘢。喺呢一個過程入面，我認識多咗自己，更加意識到牙醫呢份工作對自己嘅重要性。」

金牛座的自我修養

Alfred認為自己是個典型的金牛座，在工作及生活上都需要穩定性，而牙醫正正能夠做一個平衡的角色。「你喺娛樂圈尋求穩定性其實係一件好無稽嘅事，因為娛樂圈就係需要推陳出新。但如果你想求穩定嘅話，其實就係被淘汰嘅先兆，而牙醫就可以鞏固返我内在嘅一個空間。」

Alfred亦提及自己的月亮星座是天秤座，他笑言：「金牛座嘅硬頸都幾誇張，仲幾倔強。我原本以為天秤座可以平衡返呢件事，變得冇咁硬頸。但點知天秤座嘅出現，令我更加執着於搵平衡。」雖然Alfred認為金牛座加天秤座的這個組合使自己變得更加麻煩，但在這個執着於如何達到平衡的過程中，卻能夠更清楚自己的内心。

創立「自許紀錄」 開啟神奇之旅

除了歌手及牙醫的身份外，Alfred於2021年增添一個唱片公司老闆的身份。唱片公司名為「自許紀錄」，來源於他的一首歌 —《慌》。這首歌由林夕作詞，歌詞當中提及「勇敢得我自許」。Alfred對「自許」一詞有不同的理解，他解釋：「『自許』可以係自我嘉許、自我允許……而喺呢個世代，我哋都要學多啲自己嘉許自己。只要自己識得欣賞自己，先會引來其他嘅化學反應。」於是，他把公司命名為「自許紀錄」，希望提醒自己及大家要自我嘉許。

在創立公司的過程中，Alfred亦有向圈中老友取經，例如林家謙及吳林峰等。雖然二人都是後輩，但在獨立音樂方面卻比Alfred更有經驗。「我覺得家謙係一個企業家，縱然佢會有好藝術嘅一面，但認識佢嘅人都知，佢好多時都可以保持得好理性。」而吳林峰則與林家謙相反，「佢比較亂槍掃射，但佢呢種不忌諱，反而可以令佢踏足到唔同新鮮嘅國度。」在他們身上，Alfred得到許多啟發，使他可以更勇敢地嘗試不同的可能性。

而談到唱片公司未來的目標時，Alfred表示：「希望公司能夠提供一個隱形遊樂場，繼續容許發夢，繼續容許有奇怪嘅可能性發生。」

青春裝載着我的、你的微時

世上有一種美好，叫做「識於微時」。在青春的路上，有人陪你並肩而行、追逐夢想是一件難得的事。早前，Alfred的圈中老友鄧小巧，為他寫下了《微時》這首歌，用歌曲紀錄這段可貴的友誼。二人相識於2009年，這些年來見證着彼此成長。而《微時》的歌詞中有一句亦有「自許」一詞，Alfred認為：「呢首歌好似係朋友送畀朋友嘅禮物，佢將我公司名加咗去呢份歌詞度，當時一聽就好鍾意，唔係因為自戀，而係我覺得歌詞入面有一個部分紀錄咗呢件事。」

即睇Alfred與鄧小巧的友情照：

延伸閲讀：【星級斜槓族】Jason陳柏宇入行前做過洗頭仔同送貨員 拍YouTube只為吹水好玩 自認100分爸爸 但對父親節零感覺？！

延伸閲讀：【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！