事主：「呢期其實疫情都緩和咗好多，但有個女同事仍然堅持戴口罩，甚至連見客都戴，一直以為佢好重視健康，最近忍唔住問佢點解，先知原來佢唔想化妝……」

網民：「其實都幾聰明！」
網民：「唔戴係你嘅事，人哋戴關你咩事？」
網民：「當每日返工，放工嘅時候，人貼人、汗味、口氣、打喊露、打乞嗤、個個貼住你，呢個時候就一定戴返個口罩。」
網民：「有試過喺街畀人兜口兜面咳/打乞嚏，就知點解仲要戴。」
網民：「有咩問題？影響到你？」
網民：「其實最緊要有選擇，無法例強制就最好。」
網民：「我更尊重有病會自己戴罩嘅同事， 始終同一個寫字樓， 佢畀到一份安心我，我都會祝願佢早日康復， 而唔係咀咒佢。」
網民：「（touch wood）我仲未中過，屋企有長者，我仲keep住戴！咪話convid，我連傷風感冒都唔想，你唔戴你嘅事！」
網民：「我食太多炸野爆瘡，都會用口罩遮住。」
網民：「啲人打乞衣同咳咳嗰陣唔揞口鼻，你就知味道。」
網民：「屋企有病人，自己又有長期病，所以繼續戴。」
網民：「呢啲小事，我有個同事口罩令嗰時成日放落下巴，但而家無口罩令就戴到實。」
網民：「戴口罩好呀，感冒都少咗，係夏天辛苦啲啫。」
網民：「post人好大機會係男士，唔明白化妝同落妝有幾麻煩，懶得真係就唔想化。」