事主：「舊公司阿頭嚟咗我隔籬team做，佢而家個位低我一級，跟住佢周圍同人講我以為under佢，扮熟咁。重點係舊上司係畀好多同事針對話佢廢，搞到我好尷……」

網民：「係好尷嘅……認親認戚。」
網民：「你冇嘢好尷尬喎，尷尬嘅係佢，佢仲要將你under過佢嘅事自己爆出嚟，其他人只會更加睇低佢。」
網民：「完美示範只要你唔尷尬，尷尬嘅就係人哋！」
網民：「只要你唔尷尬，尷尬嘅就會係你前上司。」
網民：「當然照認『跟着個廢嘅所以先走，唔係邊有今日』」
網民：「唔使尷尬，同其他同事講一句好簡單：『叫佢檢討吓點解以前我under佢，而家高佢一級』如果我係佢，根本唔會周圍同人講你以前under佢，咁醜嘅事梗係收埋啦！」
網民：「大方承認『以前』、『曾經』under過佢……所以咪離開囉。」
網民：「最慘係廢你都要討好佢，因為佢如果離職你要做埋他嗰份，工程建築界常發生。」
網民：「『都係以前嘅事嚟，過咗去。我哋集中返精神做返好自己啲嘢，而家環境唔同咗，我哋向前望』完。」
網民：「你知大家喺佢背後話佢廢……可能大家亦有喺你背後話你更廢呢……唔好以為自己好叻呀！」
網民：「你覺尷尬就即係你覺得自己而家都仲未夠高職位？」
網民：「人哋地位高咗，自己低咗，仲好意思講？老尷嘅應該係佢喎。」
網民：「你話都好多謝前上司畀你走，先會有今日，同埋可以報答佢教佢嘢。」
網民：「有咩好尷，你under過佢係事實，佢廢都係事實。」
網民：「職位只係虛名，重點佢人工會唔會比你高。」