樓主：返工見到有啲同事30幾歲，以我所知工作能力唔差，但就一直唔肯升職，情願keep住喺junior位做嘢。返工入吓data，幫啲senior執頭執尾咁。真係想知點解佢哋有咁嘅心態，人工唔高真係夠生活乜？自己都放棄自己，真係冇人幫到佢哋……

網民A：人哋打風流工啫，生活冇金錢壓力咪唔想升職！

網民B：呢啲先係人生贏家！

網民C：做junior位但係夠應付生活，又有時間做自己嘢，佢自己選擇自己人生都唔得？又唔係個個都有事業上嘅追求。

網民D：就係唔想升上去，工作量會變多，又要孭飛，繼續junior好過。

網民E：返工都係為咗應付生活開支啫，收入夠cover到支出，就專心躺平做公司嘅隱形人！

網民F：躺平弱化版，冇乜唔問題啊！

網民G：職位高嗰種壓力真係好大，有得揀我都想做返junior……

網民H：人哋可能有兩、三層樓收緊租你唔知啫。我公司有個50歲嘅同事，有兩層樓，個女又就畢業。每日返工輕輕鬆鬆冇壓力，準時收工返屋企食飯，不知幾開心。唔係個個都想升到咁高職位，畀咁大壓力自己嘅。

網民I：錢搵極都搵唔夠，咁不如做啲輕鬆工算啦！

網民J：我32歲做緊sales，一個月揾$16,000，但黐屋企住冇乜使費幾開心。

網民K：你有冇諗過人哋其實想升，只係公司唔肯升佢呀？