Advertisement
隨着適齡兒童人數下降,大學學位競爭情況不如以往激烈,令更多人踏入大學門檻,獲取學士學位。最近一名網民在香港討論區戲言:「而家通街都係大學生!」他認為現在大學學位價值大不如前。另外,有網民批評大學生眼高手低,明明毫無工作經驗,卻獅子開大口,薪酬叫價甚高,不禁疑問:「到底大學生們憑甚麼呢?」
延伸閱讀:【人際關係】從中學到工作都冇朋友 打工仔慨嘆:同事一轉工就唔理你
按圖即了解事主分享和網民回應:
事主:「老老實實而家大學生呢個名銜,根本唔值錢,通街都係大學生啦!佢哋無經驗,無人脈,面試仲想獅子開大口叫高人工?憑咩?」
網民:「無所謂,大學生,小學生都可以傾到生意,簽到單,幫公司賺錢你就值錢。」
網民:「學歷勁貶值,有大學學位而家唔算得係咩。」
網民:「我覺得而家嘅大學生,同20幾年前中五學生無咩分別,只要讀書能力唔係太差,屋企負擔到,就可以讀大學。」
網民:「大學生呢個身份唔值錢,逐步降,冇大學畢業就更慘了!」
網民:「老老實實,無論小學生、中學生、大學生畢業,都一樣無經驗、無人脈,同學歷無任何關係,但係大學生可以將最新嘅知識發揮出嚟。」
網民:「大學生都分好多類,醫生畢業7萬一個月,普通文職1萬多,同是大學生,但分別好大。」
網民:「所有嘢都係供求問題啫,幾十年前就值錢,所有嘢量產嘅時候就唔值錢㗎啦,就好似電視機一樣,啲薄身LED電視,喺幾十年前賣10萬1部都得。而家社會欠缺專門技術人手,有相關技能嘅人變相值錢咗好多。」
網民:「我FG,讀BA,人工3萬。」
網民:「香港及世界各地有很多學店,形成一大條產業鏈。」
不少網民同意樓主看法,認為現在的大學生學歷貶值,很多人虛有大學生名銜,卻沒有相應能力,亦有人指現今擁有大學生學歷,與過往中五畢業生的情況差不多,只是基本條件。
正所謂:「不要一竹篙打死一船人」,有網民指大學生間存在能力差異很正常,不能把部分能力不佳的人代表整個大學生群體。而且,有網民叫樓主放下偏見,指出即使大學生經驗少,只要能談好生意,幫公司盈利,叫價高一點也沒有任何問題。
一名畢業生表示自己工作輕鬆,「日日返工等放工」,工作量少,工作唯一缺點就是日子太過苦悶,時間不知如何打發?
延伸閱讀:【職場熱話】兼職時代永遠最開心?無明爭暗鬥 工作不快還可以OOO
延伸閱讀:【求職攻略】公開招聘?有內定人選?專家教5招分辨公司「扮請人」
延伸閱讀:【職場熱話】見到老細IG多張自拍不慎Like埋 打工仔唔知點算好
最新專訪片︰
隨時隨地查看職位空缺、獲取職場新聞以及工作邀請。