事主：「我大學畢業兩年，做保安做得好開心，但係啲親戚朋友個個話我唔上進，其實關佢哋咩事？」
網民：「自己人生自己決定。」
網民：「好聽嘅叫親戚， 唔好聽叫小人， 永遠保持適當嘅距離是上上之策。」
網民：「其實好值得大家反思。有幾多人返工返得開開心心，淨係呢一點你都贏唔知幾多人….仲使乜理人點睇？」
網民：「唔使理佢哋點樣講點樣諗，最緊要你自己開心，你要諗吓，你開心，但佢哋唔開心喎，諗起都開心！」
網民：「物業管理都有啲職位好高學歷要求吧？唔一定做看更。正如打銀行工唔一定喺分行幫人唱錢，喺電視台返工唔一定拍戲。」
網民：「有學歷醒醒目目，識到人自己開公司接合約，發咗達都無人知。」
網民：「呢啲人目的永遠都係透過貶損他人抬高自己，所以無論你做咩佢哋都係會搵位踩你。最直接做法就係一句：『關你咩事。』然後斷絕聯繫。」
網民：「有時究竟係忠言逆耳，定係多管閑事，真係好難分得清。不過我個人認為，雖然基於每一個人嘅價值觀都唔同，所以你冇必解要理會別人嘅感受，不過有時真係要自己問自己，是否可解答別人嘅質疑，因為你咁先知道，究竟係價值觀唔同，定係你係逃避緊問題？」
網民：「遠離這些所謂的親戚；最緊要係自己開心！」
網民：「冇錯，唔關佢哋事，搵到錢又唔會分一份畀佢哋。」
網民：「搵到食咪得囉，最緊要份工係正經工作啊！」
網民：「最緊要自己做得開心，做保安都搵唔少！」
網民：「物業管理不知幾有前途！搵幾多錢！」
網民：「依家讀完大學都唔係好特別啫！」
網民：「呢個時候就睇吓你親戚有咩成就，如果你話佢哋有人係CEO、有人係經理級、boss級嘅話，我覺得可以聽吓佢哋意見；但若果佢哋只係主婦、普通藍領、喺工作上冇特別嘅級別的話，可以唔使理。」

1.物業維護：負責監督和協調維護團隊，確保物業的日常運作和設備的正常運行，包括修繕、保養和更新。
2.租務管理：處理租賃事務，包括租戶的招攬、合同管理、租金收取和處理租戶的投訴和糾紛等。
3.財務管理：負責預算編制、收入和支出的管理，確保物業的財務運作穩定。
4.安全管理：確保物業的安全和保安措施有效，監控閉路電視系統、制定應急計劃和處理突發事件等。
5.客戶服務：與業主、租戶和供應商建立良好的關係，回應查詢、解決問題，提供優質的客戶服務。