事主：「話說最近公司嚟咗個啱啱fresh grad嘅妹妹，咁咪帶吓佢做嘢囉，咁職場新鮮人有時做錯嘢，簡單話佢兩句都正常呀，更何況我都唔係好惡嘅語氣同佢講，點知講講吓佢就喊咗出嚟，搞到其他同事係咁望住我，以為我蝦佢（我真係冇，我係無辜！）安慰咗佢一大輪之後，我問佢做咩喊，佢話覺得自己好似廢好多嘢都做唔好，所以喊……搞到我之後都唔知話唔話佢好……題外話，到底係依家啲00後抗壓能力低，定係單純佢自己太care人哋講嘢？」

網民：「會唔會係感動都喊，成世人都無人咁有心栽培，好感動呀！」
網民：「唔識就教、耐心解釋、點解要『話』？」
網民：「如何與00後同事溝通，是一個學問啊⋯⋯努力努力！」
網民：「戲劇界巨子。」
網民：「我教新人從來唔罵，只會話小事嚟啫，然後不厭其煩再教過。三人行必有我師，自己做得耐都未必識晒所有嘢，都會犯錯，新丁冇你咁熟手，但會有你冇學到嘅新知識，分分鐘人哋可以教返你一啲新嘢。」
網民：「問佢第幾屆偽員訓練班？」
網民：「咁小事都喊，第日咪有排佢喊？」
網民：「佢冇返過part time嗰啲嘅？咁都頂唔住，佢第時點算？」
網民：「而家00後個個溫室長大，唔好話鬧，畀人就咁話吓都未必試過。」 
網民：「明知豆腐做就好心對佢哋好啲！」
網民：「現在的年青人唔鬧得、唔捱得、唔蝕得、唔會感恩，只覺應得。」
網民：「00後唔好話你啦，佢老豆老母都未必得閒鬧過佢呀！」
網民：「喺咩情景下先？你而家都係得兩句，完全莫名其妙咁，如果係當眾畀你好侮辱咁話兩句，唔喊就有鬼啦！」
網民：「個人嘅問題，同年代冇大關係，同埋我發現互聯網上好多人對00後存在刻板印象。」