事主：「轉咗份新工都成個月，完全冇嘢做，每日就坐喺度，點爭取工作都係冇，係大公司，而且人工唔差，大家都知我個位好得閒但又冇打算cut，係轉工定繼續坐喺度？」

網民：「總之走之前返嚟開名呀！大家排隊去見工。」
網民：「有冇諗過所謂冇嘢做時間好難過，其實係自己唔識打發時間問題？畀我有得咁爽過日子，master degree都讀多兩個，發展第二、第三人生、出幾本書都仲得。」
網民：「未有嘢做啫，enjoy吓honeymoon。」
網民：「係咪曬命 post？」
網民：「返工先第一個月，講呢啲。」
網民：「覺得辛苦請讓返個位出嚟，我哋好樂意接手！」
網民：「我明呀，好耐之前我有份工差唔多，又係大公司。當時直屬上司跳槽咗成個幾月，我都玩手指。但係我覺得唔係辦法！同事笑我點解有自唔在攞苦嚟辛。你可以話居安思危，總之我感覺好嘥時間，周身唔舒服。後來我辭職搵到另一份，之後新工的確忙但個人好實在。你感覺良好最重要。」
網民：「真係睇咩年紀，等退休的話當然坐，如果唔係就要諗清楚，坐得耐之後仲有冇能力轉返出去。」
網民：「用開工時間，自學嘢增值自己。」
網民：「我都試過有份工表面無嘢做，實際睇你點表現自己。我會睇返以前文件，自己諗點做，練打字速，中英文，睇返有咩同自己有關係嘅，寫低。假以時日，佢哋一問，我即時答到（我就係兩個月先有人問起）」
網民：「可以讀返幾個課程，用返工時間做功課，爽呀！」
網民：「扮工室咪扮做嘢囉！」
網民：「大公司要自己爭取，冇嘢做喺我以前公司就係用嚟等炒。」
網民：「時間多可以上網睇吓有沒嘢進修一下，如果老細行過見到，都起碼知道你有上進心，第日個位就算冇咗都可以搵你做其他嘢。」
網民：「冇嘢做咪搵啲公司嘢睇，一個月啫，畀時間你去了解，觀察同事，洞悉公司文化，都要呻，一個月無病呻吟！」