Advertisement
為了能夠安心休息，遠離工作，有些打工仔會索性於周末關掉手提電話，以防被工作訊息淹沒，破壞放假的大好心情。不過，有網民於「連登討論區」發文，質疑「點解依家啲後生仔咁鍾意星期六日熄手機？」，直指公司有急事時無法聯絡他們，是沒有責任心的行為，惹來大批網民不滿。
延伸閱讀：【網民職場Talk】收工即與世隔絕 網民：返工先會覆訊息
按圖即睇事主及網民回應：
事主：點解依家啲後生仔咁鍾意星期六日熄手機？公司有急事真係搵唔到佢哋，少少責任心都冇，有種感覺真係養唔熟。有冇諗過公司有問題嘅話，最終佢哋都有份受害？公司請你返嚟就係要你解決問題，依家幫唔到手公司仲要你做咩？唔該諗吓自己嘅價值喺邊。
網民A:：自己部手提無熄啊，熄公司嗰部咋嘛。
網民B：有咩咁急要即刻搵？星期一搵唔得咩？定係你過唔到星期一？
網民C：放緊假做嘢有冇得補返錢？
網民D：最好實行全民7日工作，係咪？
網民E：咁急，你作為上司唔係應該你處理咩？你咁有經驗，好快搞掂啫。
網民F：公司合約寫到明工作時間，咁呢啲點計？
網民G：公司會星期六日出現問題，即係公司管理有問題，明知有機會有問題就請多個人星期六日standby啦，定係你公司請唔起人？
網民H：根本要立法，非工作時間唔應該叫人做野，人都癲！
網民I：聽你電話係人情，唔聽係道理。平時你當班下屬係兄弟嘅，佢哋會feel到，真係有事上嚟佢地幾唔願意都好，都會幫吓你。出得呢個post證明你嘅人緣麻麻，諗下你平時點對下屬，咪知道點解佢哋唔睬你囉。
網民J：星期六日唔係office hour憑咩要覆機先？你間公司做唔到分清楚員工休息時間同工作時間，係你間公司有問題，要OT係你自己嘅選擇嚟。
放假時是否應該回覆與公事有關的電郵及訊息，一直是打工仔之間討論的話題，不過其實員工下班後屬於私人時間，是否「覆機」也是員工的個人選擇。事實上，面對假期時收到的工作訊息，每個人都會有不同的處理方法，公司如果需要同事於假期回覆訊息，最好於入職時說明，讓員工有個心理準備；同時亦應規劃好員工休息時間及工作的界線，尊重員工的私人時間。
按圖即睇放工收到公事訊息應該點處理：
延伸閱讀：【職場溝通】打工仔斥同事收工唔覆機 網民反駁：覆係人情，唔覆係道理！
延伸閱讀：【職場熱話】同事一句激嬲上司！全因收工講咗呢句嘢？網民：咁講好無禮貌！
延伸閱讀：【職場辛酸】教同事做嘢 一句Hea覆焫着事主：講多一隻字會死？
最新專訪片︰
【SHE Says】打破職業性別刻板印象 平衡領袖、媽媽身分 滙豐香港首席資訊科技總監Charlotte：我有克服所有困難的自信
