Advertisement
「人望高處，水向低流」，不少打工仔都渴望自己升職加薪，改善自己的生活質素。不過，正所謂「能力越大，責任越大」，升職所伴隨的工作壓力亦會有所增加，隨時影響打工仔的心理健康。近日，有網民於連登討論區發文，大呻升職後的苦況，指人工與職位雖有所提升，工作壓力卻是日益增加，更明言希望自己能夠重返初級職位。
按圖了解事主及網民回應：
事主：以前成日會幻想升咗職之後，會覺得自己對權力同人工高咗而覺得開心，但到真係升咗職之後，發現升咗職之後工作壓力大咗好多，諗返做junior位嗰陣，唔使做任何決策，每日都可以開開心心咁準時返工、放工。真係好想做返junior位呀！有冇人都有呢種感受？
網民A：人大咗，好多時都唔到你想唔想升職，而係公司中高層一定會叫你升，我都好想成世做junior位，唔使煩咁多嘢。
網民B：完全明！特別係啲嘢未係好熟，然後每日都好多會要開，每次開會都好驚會畀人問到口啞啞，真係好大壓力……
網民C：senior位其實無咁多決策要做，好多時係夾喺junior同老細中間。就好似壽司咁，上司係魚生，下屬係醋飯，Senior只係夾喺中間嘅wasabi……
網民D：我之前升職做senior，要帶住7個下屬，人工算加得多，不過日日畀上司捽數，每日有開工無收工，放假仲要長期on call。最後頂唔順轉咗工，雖然人工同title降咗唔少，但起碼有返生活先……
網民E：junior位一定開心好多，剩係聽order做嘢，就算做錯都有人會幫手執手尾，唔想返工又可以隨時射波。
網民F：之前做過一間大型港資公司嘅中層，有一個對得住中層嘅title同人工，嗰排仲逆市加咗10%人工，不過咩豬頭骨都要硬食。做做吓發現，公司成日陰啲陰啲成日炒junior位，因為唔夠人手，好多中層都要做埋junior嘅嘢。
網民G：做senior位起碼人工高啲，我而家條team得返我一個人，明明職位係junior，但每日都要同經理、部門總監同副總裁嗰啲高層做交接……
網民H：只要下屬出事，senior就要孭晒所有責任；下屬做得唔好，就係senior領導無方。公司話就話要你畀啲決策或者方案出嚟，但其實班高層已經一早有答案，講咗等於無講。senior人工的確係高咗，但喺公司係可有可無嘅存在，永遠裁員第一個都係炒senior先。
網民I：做senior最慘係遇到一啲自以為好醒，又好鍾意越級打小報告嘅junior……
網民J：好多時年紀開始大，就算知自己唔適合或者唔鍾意做senior位都要照做落去，因為根本無得揀。人越大，使費就越多。我都唔想做決策，唔想孭鑊，但我需要份人工……
網民K：senior最慘係人工加得少少人工，工作量就倍數增長……
延伸閱讀：【職場熱話】老闆出double人工 要求打工仔頂兩個人工作量 網民：有錢咩都得！
對於事主的想法，眾多網民都有所共鳴，認為升職後人工及職位雖有所調整，但工作量卻不斷增加，而且要跟隨上司指示工作，又要管理及分派合適工作予下屬，每天都要承受着龐大的工作壓力，因此網民都認為升職後吃力不討好。亦有部分網民表示，縱使不願升職，但基於生活壓力及公司決策，只能無奈接受，以高壓的工作壓力，換取不俗的薪酬，讓自己維持現時的生活狀態。
延伸閲讀：【職場熱話】幾個經理爭新人差啲大打出手 打工仔：乜junior依家咁搶手咩
按圖即看5個有毒的管理風格：
延伸閲讀：【職場熱話】打工仔人工由以前3萬升到8萬一樣係月光族 事主嘆：點樣做好理財？
按圖即看2024年企業培訓人才4大趨勢：
延伸閲讀：【職場熱話】同事本身同上司好friend 點知升職後變晒樣！網民：阿姐用生命做照妖鏡
最新專訪片︰
