樓主：你哋返過最窮嘅公司係點？我以前公司文具要自己準備、廁所唔提供廁紙、無飲水機……

網民A：唔開冷氣，寧願開窗。

網民B：有同事要帶微波爐同雪櫃返工；要同事長期返大陸，但人工加幾千，啱啱好係直通車來回嘅車錢。

利申：兩間唔同嘅公司 都係上市嘅。

網民C：次次去完廁所要熄燈。

網民D：我返過最孤寒嘅一間，要自備電腦做公司嘢，張枱同個電位又九公里咁遠，問Admin攞拖板，佢叫我自己買。我即時唔做走人！

網民E：乜都淘寶。

網民F：無咖啡機就可以列入窮呢個等級了！

網民G：做學校，但用文具要早一星期申請，仲要申請完唔一定有，有都係好平嘅雜嘜，冇痴力嘅膠水。

網民H：垃圾要自己倒；唔准開冷氣，除非有人上嚟開會；影印要黑白，仲要重要嘢先可以影，有次唔記得較返黑白，印咗彩色，結果畀人問責。使人使到盡，唔畀我得閒，覺得會蝕人工。以上都係同一間公司入面發生。

最尾嗰點諗起都打冷震，個老闆成日喺到偷望我有冇認真做嘢，收工前要打定第二日嘅schedule，嗰種精神緊張真係……最後一個月內閃人。

網民I：中秋分月餅，一盒全公司分，仲要冰皮，勁細隻，再切開幾嚿細嘅，一人拎一嚿食，真係好寒酸。

網民J：要自己買A4紙Print公司嘢。

網民K：坐豬肉枱，公司有咩壞咗就叫自己同事去整（eg：廁所爆水管）。搬新地方，好多公司嘢要搬，但就唔請人幫手搬，而係叫自己同事拍硬檔留低OT搬嘢，仲要冇補水。

網民L：Adobe個account用老細個仔email開，因為有學生優惠……

網民M：開會唔開燈；坐嘅櫈係有碌，但冇椅背；用嘅系統落後，好多時要手寫做record；7日AL，仲要未必有年終bonus；遲到多過半個鐘要扣人工。