【職場熱話】Big4打工仔成日OT 考慮減15K轉做國企：值唔值？

俗稱「Big4」的四大會計師事務所往往能夠吸引不少畢業生，但極高的工作量和隨之而來的加班亦令很多人卻步。近月有網民在香港討論區發文，表示自己任職於「Big4」，雖然人工高達$58,000，但需要經常加班。

事主提到早前到一間國企見工，預計新職位不需要加班，亦可以學習新技能。但人工將會大減$15,000，猶豫應否轉工的他向網民問道：「咁樣轉工值唔值？」

按圖了解事主、網民分享：

事主：「本身喺Big4啱啱升做Manager，人工$58,000，要睇好多隻job，同埋成日要OT。最近見咗一間大國企Commercial Assistant Manager，人工$43,000，應該就唔使點OT，同埋會學到啲新嘢。想問吓，雖然人工低咗，但咁樣轉工值唔值？」

網民A：唔值，相差太遠。依家個市差到咁，有排都未追得返，我都做Big4，繼續搵吓啦。

網民B：減人工唔值得，之後人工唔容易加返。上位又難，國企點會畀外人上高層。

網民C：如果唔打算一直做會計，做Big 4係無咩幫助。

網民D：Manager grade出Commercial應該唔使Discount，可以平手走。但你啱啱升Manager難啲叫高價。等多1至2年囉，搵到更好Offer先走。

網民E：我有舊同事喺Big 4做咗Manager冇幾耐，就跳出commercial做國企，但人工唔高，唔過 $50,000，不過花紅都多。

網民F：差成$15,000一個月，仲要有Manager唔做，走去做Assistant Manager，我係嗰間國企就唔會請你，我會懷疑你精神有啲問題。

網民G：升咗Manager跳出嚟就直接搵Manager啦！由Assistant Manager再跳又要等，出面上流機會唔多。除非國企嘅行業好吸引，否則去啲唔吸引又唔多錢嘅行業，你日後人工升得好慢。

網民H：一啲國企花紅有3至4個月，呢個時勢算好好啦。

網民I：如果月薪5萬，有15至16月糧，又感覺同年薪70多萬嘅職級差別唔大。

帖文引起網民熱議，大多數網民認為事主自降身價太多，日後想要追回$15,000的差額並不容易。而且職位亦下降一級，若未來想再升職或轉工做高職位，需要花更多時間。

減薪轉工是一個重大決定，除了人工、福利外，打工仔轉工前應該仔細考慮以下因素：

1.個人職場發展和公司前景：公司規模大小，未來發展路線都會一一影響員工。轉工前應分析公司前景，判斷能否更好的成長機會、上升階梯。加入新公司後，獲得的技能、經驗應幫助你在職業生涯中保持競爭力。

2.薪酬和福利：對於大多數打工仔來說，工作的薪酬和福利是最重要。基本工資、花紅以及醫療等福利都是他們的轉工誘因。

3.工作壓力和平衡：再高薪厚職都避不過工作壓力，如果原本的工作壓力大，自然會憧憬下一份工作能Work-life balance。另外，新工作又可否為你帶來更大的滿足感？遇上一份心儀工作，一些人不會介意辛苦，甚至寓工作於娛樂。

4.工作環境：每間公司的工作時間、地點以及文化都不同，一些工作是5.5天工作或工作需要經常加班，你是否接受？通勤地點亦不能忽略，太遠的話交通費、時間都為自己帶來負擔。

5.人際關係：職場上要遇到好同事和上司並不容易，有時好的人際關係更有助你發展。轉工前應考慮在新工作中是否有機會建立同等或更好的人際關係。

【職場辛酸】任職Big4打工仔分享真實工時指經常凌晨收工網民：時薪有冇$100？

【自我增值】職業生涯一定要做7件事！轉工、request加人工仲有……

Get lastest jobs, career news and
job invitations on-the-go.