Advertisement
離職面談(Exit Interview)是指企業邀請準備離職、已辭職而即將離開公司的員工,進行一種面對面的談話,並從過程中了解員工離職的原因,他對公司管理制度、組織文化及薪資福利等的看法,以完善公司管理制度。為了好來好去,打工仔都會禮貌,並婉轉地提及自己的意見。
有台灣打工仔在網上討論Dcard分享個人想法,坦言自己被約進行離職面談時,都很想撕破臉皮,網民都紛紛勸阻:「別人只會把你當成笑話。」
Advertisement
點圖了解更多事主分享:
事主:「雖然係講話職場上要做到好嚟好去,但每次講起離職,多數都會畀上司約面談,詢問離職原因,當下真係好想直接講原因,面對面講清楚。但後來忍咗落嚟,好怕新公司之後會做Reference Check,就覺得算啦……仲係用萬年理由『有其他人生規劃』。
大家講離職,畀人約面談,會唔會講實話?最近先到職冇幾耐,就話唔做,主要原因係工作內容同面試講嗰陣有好大落差,第一日就已經想走人,礙於有經濟壓力,就騎牛搵馬……仲有……唔鍾意公司嘅管理制度,就係同事同上司太差,強勢到無法溝通,都唔願溝通,大家喺呢間公司年資都唔夠1年,唔知佢哋態度點解要咁差。真係理解唔到。」
網民回應:
A/係我嘅話,我一定唔會講實話,呢個圈子冇咁大,話唔埋你想去In嗰間公司,HR同上司互相認識,對你嚟講唔係好事。
B/你講實話,大家都當笑話咁睇,上司同HR都係跟程序做啫,大家演吓戲就好。
C/選擇性講實話,大部分離職都唔係只講一個原因,揀一個比較能修飾嘅原因,真誠溫和地說明同自己未來規劃嘅矛盾等等。
我曾經同上司講過,細公司有一人多職嘅狀況,我話細公司好靈活,但我嘅個性比較容易緊張,希望有固定嘅工作同做法可以跟住做,因此思考覺得比較適合喺大公司做。
D/唔好講實話,就算被追問,都唔好講真說話。
E/講咗實話,件事都唔會改變,仲有可能被誤解成難搞員工,不如講吓門面嘢,主管閱歷無數,心裡面都明。
F/唔會呀,反正公司都唔會改!啱啱畢業嗰陣:畀人鬧好驚/離職唔敢講/覺得忠誠第一/認真工作最重要/奴性重;
出咗嚟做嘢5年:點呀?我就係咁差!炒咗我囉!(我會做好份內事)準時返工準時收工/關我咩事?關你咩事?都唔想同同事深交。我信你嘅心境會有好大轉變。
G/咪話適應唔到,我都唔會講實話,簡單啲就可以,做人留一線,他朝好相見。
H/永遠唔會講實話,講咗都白費功夫,都係靠萬年理由!如果係我,想講實話,可能係我要創業嘅時候!
I/公司唔會因為員工誠實而改變啲乜,既然係咁,就好來好去,日後好相見。業界圈子唔大,消息散得好快。
J/千萬唔好呀!如果你新公司打去前公司問工作狀況就慘,我而家呢間公司有打去前公司問,你問我點解會知?因為前公司嘅老闆娘算唔錯,要離職前佢有將新公司寄過嚟嘅信畀我睇,我睇先知,原來啲公司真係會問。
K/唔會,除非你肯定再返嚟呢個產業同食回頭草。
普遍網民都反對事主說真話,事關上司及HR都是跟程序做,加上公司不會因為員工誠實而改變。有人建議事主,選擇性說實話,不過最好能夠修飾一下原因,真誠兼溫和講自己未來的規劃。談到離職面談說真話,有網民提醒事主,如果撕破臉皮,很可能會影響個人職涯,因為圈子很小,HR跟新公司的上司可能是認識的。假如事主真的想打開天窗說亮話,最好要有再不在產業發展的準備。
離職面談多數會問甚麼?(點圖了解更多)
即睇3個辭職好時機:
延伸閱讀:【職場英語】7大職場用語你要識!「Chair a meeting」、「Reshuffle」又點解?
延伸閱讀:【職場理財】自覺理財不遂 有可能理財能力比想像中好!5個理財指標 判斷財務健康與否!
延伸閱讀:【職場溝通】到職1周被上司「照肺」 全因1個理由!打工仔:點解要請我?
延伸閱讀:【職場文化】同事學歷低、工作少、年資少 但人工竟然高過自己!
最新專訪片︰
【金像獎背後】憑《年少日記》獲多個獎項提名 編劇、導演卓亦謙:時刻提醒自己不要心高氣傲!