樓主：大家返工返過最差係邊區，我覺得係大埔工業邨，啲咁偏僻嘅地方連飯堂都無，每次放工要行成10至15分鐘先到巴士站！

網民A：我都同意係大埔工業邨呀，返工要搭成3程車，而家諗返都覺得當年自己好蠢，點解要返份咁嘅工。

網民B：大埔工業邨雖然有公司接駁車，但係返工夾唔到時間，一係就好早到，一係就遲到……

網民C：康樂園地盤，啲人入嚟見工都畀唔到個地址人。

網民D：赤鱲角，除咗公司飯堂乜都冇。

網民E：數碼港，搭車又遠，嘢食又貴，係唯一去戲院睇戲幾好，包場咁。

網民F：大埔工業邨。試過兩次interview係去呢度，兩次我都甩咗底，最後見到啲工寫大埔我都唔會apply，見工都唔想去，仲點返工？

網民G：金鐘：又貴又少嘢食。觀塘：返工好逼。大埔工業邨：冇嘢食。

網民H：出Job去火炭，要轉車去，Lunch無嘢食。

網民I：將軍澳百勝角，最近嘅巴士站要成10分鐘路程，沿途冇瓦遮頭，試過被雨淋足10分鐘先返到去，每日放工坐巴士，架巴士一開門就會有浸堆填區味道。

網民J：慈雲山，交通麻煩，又無嘢食。

網民K：將軍澳工業邨，附近又臭、又荒蕪，又多昆蟲。

網民L：九龍灣美食沙漠，食嘢平均要70幾蚊……

網民M：元朗廈村木人巷再入，偏僻到加錢的士都唔肯入。

網民N：葵青區同埋觀塘區，啲人個個木口木面，好攰咁。