撰文：Lily

攝影：Mark

入行前曾從事過多個行業

Yan Ting 自15歲起便立志成為歌手，在追夢之前，他曾接觸過不同行業，例如送貨、送外賣、售貨、賣衣服及電器等，其中印象最深刻的是電話推銷人員，「我需要學習點樣去無限重複同一句說話，打電話畀人，然後畀人拒絕，去接受呢個拒絕，我覺得都係一個幾好嘅技能。」

年少時，Yan Ting隨父母移居新加坡，並在當地服兵役。他認為兵役不僅是對體能的訓練，更是對精神意志的摧殘和磨練。「當兵係由一個男孩子成長為一個男人嘅過程，因為你明白到責任，你明白到你服侍嘅唔係得你自己。只有小朋友先會服侍自己，而真正嘅男人並唔會咁做。」

現實與夢想的落差

Yan Ting憑着一腔熱血回到香港追夢，但過程並不順遂。他到各大唱片公司叩門，苦等將近一年，最終獲環球唱片賞識，出道成為歌手。夢想終於成真，本以為這是個美好的開始，但迎接他的卻是一個又一個的難關。Yan Ting坦言：「以前嘅我太過天真，覺得做咗歌手、出咗首歌，咁你就係歌手？係，但你係一個失敗嘅歌手。但其實失敗嘅呢一面，令我見到夢想嘅另一面，係同一個銀嚟，只係我睇唔到呢一面。」

2015年出道後，Yan Ting推出首隻派台歌《Gonna Be Alright》，隨後亦有《自我催眠》及《半祝福》等作品，惟歌曲成績一直未如理想，最後失敗收場。其後Yan Ting消失於樂壇接近3年，並回到新加坡計劃與拍拖16年的初戀女朋友求婚，豈料亦以失敗告終。「我嘗試用我人生當中最重要嘅一個關係，去換取我嘅事業返嚟，最後我嘅事業一無所有，而我嘅感情都斷送咗，我徹底失敗了。」

面對愛情事業兩失意，Yan Ting當時大受打擊，打算放棄之際獲家人鼓勵，令他鼓起勇氣重返樂壇。結果，Yan Ting憑《意外現場》在香港嶄露頭角，讓他的音樂夢漸現曙光。

市場不會說謊

出道9年，Yan Ting推出《三生有幸》，成績相當亮眼，更收獲許多粉絲。社交平台開始出現「Yan Ting唔紅，天理不容」、「樂壇欠YT大哥一個交代」等留言。對於這些留言，Yan Ting心懷感激，「其實市場係唔會講大話，如果你值得紅嘅話，你會紅。如果我有一日真係可以紅到，我會好感激呢一班人對我嘅愛。」

演唱會完美落幕，Yan Ting接下來將會轉戰電影界，執導首個電影作品。電影名為《雨夜之徒》，以香港奇案「雨夜屠夫」林過雲的故事為主題。Yan Ting透露電影籌備已久，希望會給觀眾帶來驚喜。