投稿人：有冇發覺只要講嘢夠大聲夠惡，又或者說話技巧好好，就算個人幾廢、幾冇料，都可以好輕易上位？點解說話技巧可以凌駕一切能力？

網民A：口才好都係能力嘅一種，有能力而冇口才都係一個缺點。

網民B：唔好睇小說話技巧……曾經德國有條友講嘢好叻，就係咁觸發咗第二次世界大戰。

網民C：文靜嘅人講啱咗都冇人聽到；講嘢又大聲又好肯定咁款嘅人，就算講錯咗都冇人知。

網民D：說話技巧都係能力嚟嘅。

網民E：因為不同崗位需要嘅能力唔同，正如地盤工人日日身水身汗，難道佢哋又話寫字樓啲人個個手無縛雞之力，點解可以日日舒舒服服歎冷氣？如果以力量去比，佢哋先係最應該上位。

網民F：呢個就係生存之道呀。

網民G：咪係囉，點解好似E人就一定成功，I人就一定失敗？

網民H：做生意最終目的係令個客願意打開荷包，第一件事就係要個客鍾意你、願意信你；其他執行係後話，對方有興趣、有生意往來先再討論。

網民I：呢啲技巧可以自己練出嚟，睇多啲Ted talk，練習口齒清晰順暢，語速適中，姿勢同眼神等。好多人可以廢噏到，有嘢講但無重點，要建立埋內容，就要有論點、理據、例子、結論、方案。

網民J：做完嘢無人知同無做過冇分別，你自己做完嘢唔出聲怪得邊個？