樓主：同事改埋啲奇奇怪怪嘅英文名，真係唔想叫佢哋個名，Apple、Suki呢啲都算，改埋啲咩Zombi、Hades、Mosquito係想點？真係叫唔出口！

網民A：成日都唔明點解啲人會隨便望到邊個生字就攞嚟改名，人哋嗌佢嗰陣自己會唔會尷尬？

網民B：如果係我嘅話，唔想叫嘅原因係啲名拗口多過覺得尷尬，Hades叫呀Hei； Mosquito叫呀Mo；Zombi叫中文名算！

網民C：Mosquito係做咩事？

網民D：識個高層叫Answer……

網民E：試過識條友叫自己做Joker。

網民F：見過有女仔叫Devil。不過有Angel就有Devil㗎啦，都唔出奇嘅。

網民G：我有個Ex叫Quasimodo（鐘樓駝俠）。

網民H：真係識人叫Zorro！

網民I：有個舊男同事懶有型改個法國名Emmanuel，點知啲英文差嘅同事，一係文件上串錯佢名，一係唔識叫佢個名，之後作個花名叫佢Emily算。

網民J：見過另一個部門嘅同事叫L，就咁單字一個L。

網民K：見過有人叫Skywalker。

網民L：識有得叫Oxygen，係佢全名嘅音譯嚟。

網民M：最尷尬係食飯，有個朋友名同Duffy、Stellalou嗰類差唔多，佢負責Book位，去到餐廳人哋問落咗咩名，我講完人哋以為我改個咁怪嘅名。

網民N：Kobe Bryant都係佢老豆食完神戶牛，覺得好食就改個仔做呢個名，外國人改名其實一樣亂嚟。