事主：其實份工無咩特別，無咩好麻煩嘅人同事，甚至可以話係幾好，只係份工一穩定落嚟嘅時候，就突然覺得自己好似倒數緊幾時辭職好，主要係因為對份工厭咗同覺得攰。

網民A：通常上面畀啲好麻煩嘅project前，就會即刻走。

網民B：我無一份工做得長過4年。而家呢份做咗3年半已經又想走。見到公司有啲同事可以做到10年以上，真係唔知佢哋點做到。啲嘢做到合埋眼都識做，完全係靠肌肉記憶就可以輕鬆搞掂，每次都覺得啲嘢做嚟好無謂。短期又唔會升職加人工，留喺公司1日都覺得浪費緊自己時間。

網民C：跳出舒適圈，之後就會覺得新工唔適應……

網民D：我又係無一份工做長過3年半，上一份工就係咁，其實份工好free、好輕鬆，但我就喺30歲前果斷辭職，個個都話我傻，真正原因係唔知自己返工為咗啲咩……

網民E：份工無新嘢學所以厭咗！

網民F：我覺得自己都算犯賤，啱啱FG出嚟返緊份工，工時唔長、一個星期有1至2日可以WFH、上司同同事相處OK，但自己就成日身痕想搵其他工……

網民G：生活太安逸，唔拼搏吓點對得住自己！

網民H：第一份工勁忙，每日返工做到收工；第二份工無咁忙算hea，不過都叫幾充實。跟住再轉而家呢份工就更加hea，返工大部份時間都係做自己嘢，升職前從未試過OT。升咗之後最忙嗰排都係最多OT 15分鐘。人工勉強接近$5萬，不過短期內都無機會再升。如果再轉工，我呢個grade喺其他公司應該日日要OT到8、9點，有打算喺呢間成世做老海鮮算！

網民I：我都係！10年轉咗6次工，覺得自己養唔熟，愧對真心教過我嘢嘅同事。

網民J：每份工都係做1年左右，一加完人工就會開始搵工，如果搵到份工加多20%，一有offer就走。

網民K：返工都係為錢啫，邊到人工好啲就轉工，好合乎常理呀！