樓主：見到身邊啲朋友或者公司同事，好多都係由畢業做到而家，話諗起要見工就覺得好驚，索性工都唔轉，有冇人係咁？我自己都覺得見工好煩，成個過程又好假，但為咗加人工都會頂硬上，無諗到有人會抗拒到寧願犧牲自己前途。

網民A：做場大龍鳳，每年多幾萬喎……話就話係驚Interview，事實上係驚「新工各方面不如舊工」嘅不確定性，怕跳出Comfort Zone。

網民B：我每次見工都驚到咩咁，In之前嗰個禮拜會瞓唔着，心諗呢份得咗嘅話以後都唔會再見工，最後每份工做到咁上吓，都會為咗加人工而逼自己去見工。

網民C：見工唔驚，返新工先驚。唔知邊個好人，邊個壞人，個個都想睇你死，但又對你笑笑口咁。最慘係返完發現中伏，又要再見工。

網民D：我都好驚見工，一嚟過程好假，二嚟次次緊張到未能全面表現自己，但喺舊公司做咗4年，間公司越嚟越垃圾，高層日日嘈交，最後都係頂唔順走咗。

網民E：今日見咗兩份工，我覺得要特登請假去見工係最煩，已經見到冇乜反應，反正都係講得差㗎喇，入去前諗起啲咩講啲咩就算。

網民F：每次見工都好似揭開晒咁多年嘅傷疤咁……

網民G：跳出Comfort Zone永遠係最難，首先Interview要有信心，好彩請咗又要適應新環境。不過我窮，冇辦法，唯有頂硬上。

網民H：唔知點解Interview一講英文就出事，明明做嘢嗰陣講係無問題，一Interview就成日腦短路。

網民I：覺得驚，但為咗錢，都會硬住頭皮每兩至三年轉一次工，而家更驚返新工遇到唔知咩老細同同事，會唔會好伏。

網民J：而家有啲前衛少少嘅公司，可能係Meet Outside the Office咁同Team Members見面，睇吓夾唔夾。試過1次呢類型嘅Interview，去咗Happy hour，緊張到死，唔知扮文靜好定做自己好。我聽我朋友講，佢試過去War Game場去做啲文娛活動。

網民K：久唔久聽到啲Case係臨門一腳，新公司先話個Headcount冇咗，轉工變裸辭。