事主：「點解見工咁鍾意問真空期？人一定要返工咩？唔可以唞咩？一年冇返工又點解要解釋？」

網民：「疫情無工開。（萬能KEY）」

網民：「都無咩嘅，直接答休息吓。」

網民：「當你覺得有唔答嘅權利，同樣人哋可以有了解嘅權利。」

網民：「完全認同，唔好講一年，半個月都已經問，你呢半個月做咩嚟？冇搵工咩？答完有，之後又問，見咗幾多間？再答完又再問，有無見到覺得係啱心水？再答再問，咁有冇消息話請，我心諗，你咁想知，不如我隨身攜帶個CCTV，咁你咪唔使問咁多！加上，有冇都唔會講真畀你知啦，講得衰啲，其他公司請唔請，關你咩事？有時見人嗰啲問埋晒啲戇居問題！」

網民：「HR仲係好老派嗰啲，無接受新思想新做法。」

網民：「類似情況自己都遇過，有陣時都覺得香港嘅職場文化真係好畸型，係咪一定要工接工咁返工先係正常？學生哥都有暑假啦！打工仔女點解唔可以有空窗期？」

網民：「世代唔同，做吓、停吓好平常，主要係有合理合情嘅原因就可以，可惜好多面試嘅人諗唔通，唔識睇人，又唔理解唔返工原因，結果就錯失人才。」

網民：「其他人係可以唞，不過香港人就唔得，因為香港人鍾意返工，如果你有一排唔返工，啲HR就會覺得你好奇怪，驚你唔知係咪異類或者基因出錯，所以一定會問。」

網民：「你畀個解釋人，講得通而表現正常ok，唔係怕你突然話唔做，而係怕你直頭唔見咗人。」

網民：「可以，你可以唞，但公司都可以有唔同嘅諗法，公司可以覺得冇特別原因咁樣唞一年係懶，又或者覺得咁樣嘅話請咗你，都有機會做做吓無啦啦唔做又要唞，驚請咗一個唔穩定嘅人，又或者其實只係想知道吓，你話返想休息吓可能都冇問題，解釋吓又冇乜嘢嘅。」

網民：「政府工，癲到由你一畢業問起，十幾廿年之間嘅真空期，3個月真空期都左問右問。」

網民：「我試過話因為嗰段時間個份工簽咗保密協議，唔可以透露任何細節，包括公司名、職位同業務內容等等，亦唔會有任何 ref letter 同做 ref check，所以我直接唔寫落去，然後佢就有冇再問落去。」

網民：「話人聽之前working holiday，仲會畀人睇唔起。」

網民：「其實有很多可以問，休息無為問。」

1.誠實回答：求職者可以坦率地說明自己休息、創業或尋找新的機會的原因。這樣能展現求職者的自主性和冒險精神。

2.強調學習和成長：求職者可以強調在空窗期間進行的學習和成長，例如自學新技能、參加培訓課程或做義工工作。這樣能表現出求職者的進取心和求知慾。

3.解釋合理原因：如果有特殊原因導致空窗期，如疫情或個人健康問題，求職者可以解釋清楚，讓HR明白這是不可控制的情況。

4.強調準備回歸工作：無論空窗期的原因如何，求職者應該強調自己已準備好回歸工作，並能夠貢獻自己的能力和經驗。