樓主：以前做學生嗰時，老師成日教我哋「做人要心地善良」，但出嚟做嘢原來呢套係唔work㗎！因為你心地善良，所以咩都畀晒你做，叫你做乜就做乜，唔可以Say No，唔可以推Job。就算假期同校長申請咗去日本旅行，去到日本都仲有人Send嘢嚟叫你做嘢；星期日去咗海洋公園玩緊過山車，都仲有人叫你自己諗辦法去附近搵電腦幫佢完成工作。

網民A：善良同唔識拒絕人係兩回事喎，你唔堅持立場，就變成討好所有人，呢啲邊叫善良？

網民B：善良還善良；盲從還盲從；完全係兩件事，唔好混淆。

網民C：畀人迫做嘢同你心地善良有咩關係？

網民D：關善良咩事？你搞錯晒啲定義喎！見到老人家行得慢，唔會鬧佢，甚至仲會去扶佢，呢啲叫善良；唔識拒絕人，呢啲叫蠢！

網民E：心地善良同「好恰」係兩樣嘢喎。我會直接唔理佢，如果佢鬧嘅，咪話我「放假唔會睇電話」囉。

網民F：以前都試過去聽演唱會嘅時候收到老細call，嗰陣仲未開場，我個Friend話：「收咗工唔好聽喇！」但係老細成晚打咗幾次嚟，搞到睇演唱會嗰陣心掛掛，完全冇辦法投入睇，完場又要作個藉口解釋點解冇聽電話……

網民G：心地要善良，但手段要夠狠！

網民H：咁唔通老師要教我哋做人要夠壞咩，嘢就教咗畀我哋，大個面對任何情況就自己諗辦法解決，點可以賴返老師轉頭？

網民I：你對「善良」有好深嘅誤解。

網民J：冇㗎喇，搵過第二份工啦。我有舊同學喺直資學校教書，都話要返足七日工。