事主：想問吓大家返工第幾年開始會失去熱情，我第1年返工係好有熱誠，但第2開始就想躺平啦。

網民A：第1日就無熱情啦！

網民B：會有咩熱情？每日都係戴住面具返工，做好自己，等收工就算，唔會想同公司嘅人有過度嘅深交。

網民C：差唔多第2年到，認清咗社會現實係點……

網民D：未返已經無！如果唔係為錢，邊會有人鍾意返工㗎？我日日都想辭職。

網民E：因為做熟咗啲嘢就無熱情。

網民F：越熟悉個系統，越無熱情。頭幾個月至1年，都仲有幻想會之後做到啲咩，之後就積極偷懶算。

網民G：加人工後2個禮拜會多少少動力嘅！

網民H：由知道自己無可能上位開始……

網民I：我返工嘅熱情就係因為可以睇人返工！

網民J：睇人啦，一班人如果係差唔多年紀或者好傾嘅話，做嗰陣真係開開心心、有團火咁。廿幾歲對住班上晒年紀嘅老海鮮，就會無話題，覺得自己好似喺老人院做咁。我就第3年半開始無晒火。

網民K：第2年！轉過幾次工之後，hea工會嫌人工低、無前途、浪費時間；chur工就覺得壓力大，想上位又發現好大競爭……