Advertisement
求職連接失敗，求職者很容易會感到焦慮及心情低落，如果心儀公司能夠向求職者釋出一點善意，更可能成為打工仔在求職路上堅持下去的動力。有台灣打工仔在網上討論區「Dcard」發文，表示自己雖然不是讀人力資源管理，但是畢業後一直想成為一名HR，惟求職過程上屢次碰壁，在打算放棄時，竟收到一間公司的面試感謝信，讓她感到被重視，重燃起成為HR的決心，「希望未來我都可以成為好似佢咁溫暖嘅HR！」
延伸閱讀：【職場熱話】上司剛柔並重識管理 新入職打工仔︰好上司真係好重要
按圖睇樓主及網民回應：
樓主：我大學4年級嘅時候，因緣際會下參加咗一場職涯分享，開始對人力資源管理有興趣，但因為唔係讀呢一科，就算搵工面試幾個禮拜以來，都一直冇消息。眼見身邊嘅同學、朋友都已經搵到嘢做，自己仲喺度飄泊，覺得好焦慮。
開始猶豫係唔係應該唔好咁揀擇，咩都試吓先算。正當我打算放棄嘅時候，我就收到間公司嘅面試感謝信，唔係簡短幾句Email，而係紙本嗰種！我收到嘅當下雖然知道呢封只係感謝信，但已經令我覺得被人重視，深深感受到呢間公司好溫暖，亦都好感謝佢哋咁認真對待每一位面試者。
因為呢封感謝信嘅關係，令我重新燃起鬥志，未來希望我都可以加入呢種公司，成為帶畀其他人溫暖嘅HR！
網民A：連求職者都咁善待嘅公司已經好少見，希望樓主順利成為咁溫暖善良嘅HR！
網民B：Sorry，唔係想潑冷水，但呢封信其實好可能只係統一彩色列印，因為我都曾經被上司要求整呢啲感謝信。不過呢個做法都有助做好僱主品牌形象，的確係幾好！
網民C：見到呢個真係會喊！佢哋好用心，但都相信樓主要夠好，對方先會寄呢封信畀你嘅。搵工加油！
網民D：我淨係收過感謝信Email，未收過實體喎！
網民E：感覺係幾重視員工嘅公司，唔知福利係點呢？
網民F：公司福利好唔好我就唔知，但淨係睇佢呢封感謝信嘅用心程度，我覺得值得畀滿分！
其實一間公司是否用心對待員工，其實求職者很容易就看得到。要知道，求職及招聘兩者環環相扣，當公司挑選合適的僱員時，求職者亦會挑選合適的僱主，連求職者都能夠被好好對待的公司，相信本來就能夠在求職者的心中留下良好印象，公司未來招聘時更能得心應手。
睇埋：生日收到唔熟嘅同事送贈手工生日蛋糕
睇埋：Finance撈埋HR嗰份？
延伸閱讀：【職場熱話】曾被同事出賣 從此築起防備之心 事主內疚：咁樣係成長定係劣化？
延伸閱讀：【好人好事】屋企人大病冇錢醫 好老闆即開支票：唔使還！
延伸閱讀：【職場熱話】同事常去廁所疑偷懶 老闆不責罵卻問了一條問題令人驚奇
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
