【職場老油條｜上司點拆好？】你有壓力，我有壓力！香港打工仔經常都充斥住壓力，除了一眾小薯、下屬，其實作為上司，都經常「壓力放題」無誤！早前有位擁廿多年大公司工作經驗的部門主管，於討論區出帖列舉出資深下屬及同事的三大罪狀！部門主管續指公司各種情況，更令她身體出現多處毛病，包括：氣管炎未癒、經期失調、皮膚敏感。她更指，經多個醫生診斷後，皆表示主因為壓力太大，故令她考慮應否再留在此公司。

職場老油條｜上司壓力爆煲

延伸閱讀：【有病唔好返工？】工作壓力爆煲 打工仔濕疹復發身心難受 事主大嘆：每日個人又躁又唔舒服，想轉工但又轉唔到……

健康VS工作｜Work-Life Balance｜管理層真實分享

已有20年大公司工作經驗，一直做嘢都係追求自我進步，希望畀屋企更好嘅生活。直至前年加入咗一間國際公司，初期都正正常常，中段上年開始，一班老patpat下屬（26至30年資歷，3至4年後退休） 開始發作。身為部門主管嘅我， 面面受壓，一個3X歲嘅管理層嚟講，與其同佢哋一齊退步或原地，不如重新出發。經驗老度嘅同事，不明白無人可以保證妳可做到退休，咁嘅時勢，唔與時並進，好易被淘汰。

• 經驗老到嘅同事們，開會單單打打；
• 經驗老到嘅下屬，經常入錯單，做錯客嘅要求，不承認和面對錯誤；
• 老闆作風大無畏，不求改善，只求平安度過；
• 經驗老到嘅同事只望不改變平安到退休。

因為以上嘅工作環境同情況，我身體出現毛病：氣管炎一直未好，經期失調，甚至出現皮膚敏感，睇咗多個醫生，這一切是壓力形成，要考慮應唔應該再留喺度做。

健康VS工作｜Work-Life Balance｜網民又有咩睇法？

網民A：既然老闆作風隨和，你都唔需要改變啲咩，跟大隊。

網民B：無謂搵自己條命校飛，我啲朋友仔成日怕搵錢冇命享。

網民C：有時候心態要放鬆啲，要求唔好太高，可能你認為現在的下屬好差，但如果佢唔做，新請返來的可能一個不如一個。作為中層，下屬做唔到嘢或者玩嘢，好多時候都係要自己做埋一份。

網民D：唔好迫死自己，如果適應唔到就重新出發，不過而家個時勢有難度。

網民E：有冇同屋企人傾下？如果佢哋明白就最好，唔明白亦正常，依家有份工己經好好，傾過起碼知道佢哋點諗先，之後再計劃辭職再搵，邊做邊搵，定係疊埋心水繼續做，調整心態，支持。

網民F：我完全明白你嘅感受，我都係大公司試過呢啲情況，睇下中醫調理下內分泌同心情實在啲。

延伸閱讀：【4天工作周】4天工作日返10小時VS. 5天工作日返8小時 究竟點揀好！網民：梗係揀返4日啦！

樓主發帖後，回應的網民皆表示同情其遭遇，大部份回應都勸籲樓主應調節心態，指她應認真為前路作打算，身體狀況確是首要考慮因素，其次要與家人作好溝通。此外，有網民提醒樓主，千萬不要拿自己生命「校飛」，不然最後只會「有錢冇命享」。

健康VS工作｜Work-Life Balance｜真係轉工點部署？

如果在職人士因壓力太大而想轉換環境，而在新工求職面試時，一定會被問到「點解會想轉工？」這個問題，此問題有時候回答起來並不容易。難道真的要告訴對方是因為舊公司太過刻薄嗎？所以，CTgoodjobs為大家整合了「點解會想轉工？」五個回答小貼士，讓求職者在面對這個問題時更加自信和冷靜！

按圖睇睇，求職者應對HR「點解會想轉工？」5大貼士！

仲有可以睇埋，以下是4個回答的範例：（按圖了解）

1. 我正在尋找更好的發展機會。我希望在一個更具挑戰性的環境中工作，並學習新的技能和知識，以實現我的職業目標。
2. 我想要轉換行業，因為我想要探索不同的職業道路。我覺得這樣可以讓我更有動力和熱情，並且開拓新的職業發展機會。
3. 我想要找一個更符合我的價值觀和工作文化的公司。我的前一家公司的文化和我不太相符，因此我想找一個更適合我的公司，能夠讓我更加投入和熱情地工作。
4. 我希望能夠有更多的工作彈性和平衡，以便更好地平衡我的工作和生活。我的前一家公司很傳統和保守，沒有提供足夠的工作彈性和平衡，因此我希望能夠在新的公司中獲得更好的平衡和彈性。

延伸閱讀：【減薪轉工】為Work-life balance願意減薪幾多？ 網民：人工低咗唔一定舒服咗

延伸閱讀：【職場熱話】辭咗職竟然要自己in下一手 公司HR可有可無？網民：求其in求其請囉！