普遍人會將特定的年齡，視為「人生分水嶺」，如20、30、40歲，同時會以個人收入及成就，判斷他成功與否。假如人的收入未有隨着年歲增長，可能會因此感到焦急。有網民在Threads代朋友的姐姐發文，指對方40歲月薪只有$20,000，並詢問其他網民的意見，有人就指：「讀書才是出路！」

事主詢問如何增加收入的貼文

事主：「朋友家姐借我個帳嚟問吓Threads大神，40歲姐姐，喺大學畢業之後，第一份工係中學Clerk。之後喺Big 4 Supporting Department 升到officer，人工$26,000，但因為Big 4 壓力太大，37歲嗰陣Discount自己轉咗去2nd Tier做秘書。而家40歲仲搵緊$20,000，冇特別技能，都係識普通Level嘅Microsoft Word同Excel，想問40歲嘅佢，仲有咩方法可以搵多啲錢？」

網民提出意見

A.畀你轉到做HR，你唔好以為人工會好高，做到Head of HR都係得$4萬幾人工，講緊要20幾年經驗。

B.做私人秘書或者助手，人工都係$2萬至3萬，但勝在冇下欄嘢，食嘢唔使錢，執老闆啲免費二手衫，仲有Trip出吓。

C.無特別專業加上年紀唔細，都沒有特別技能，建議問下老闆公司有咩需要，有冇呢位朋友可以add value嘅地方，然後佢自己進修吓呢啲知識，達到專業程度，跟住睇下公司肯唔肯用佢做呢方面嘅嘢。不過既然公司出得$2萬，都好大可能呢個係dead-end位，本身value add就不大，所以進修都無用。亂咁爭取仲會變咗麻煩，阻住上司同老闆做嘢。可能要自我增值再跳槽。增值唔到咁可能都唔會有得加。

D.轉政府工啦，薪高糧準，唔使OT， 年年加薪，返工等放工，完全冇壓力。越接近高層，越唔需要技能。

E.大學／政府 clerk，冇特別技能都可以符合$30,000人工。

F.發展副業，投資有被動收入，其實40+有份正職已經好好，既然受唔到壓就唔好望有高收入，應該注重過自己鍾意嘅人生，有空閒時間做自己嘢會開心啲，我都係40+，仲要待業中。

G.其實都幾睇personality，我都係差唔多情況，轉職轉行由頭嚟過，雖然入職少過以前少少，但工種來講同畢業生冇分別。咁都做咗咁多年嘢，手板眼見功夫，啲文書嘢我係唔識，但轉咗都就快3個月，過probation再加返人工，近返以前份工。當初老細請我都係欣賞我以前工種experience（雖然同而家份工完全唔關事）同埋我都pickup得好快（有新同事誤會我係old seafood）。其實而家啲公司請到正常人都好感恩，所以年紀其實唔係問題，但你有冇工作能力先係重點呢。加油，唔使灰心。我之前搵工都係咁畀人壓我價到$2萬，話我轉行冇經驗，但總會遇到啱心水又啱價錢嘅工。

H.我都係similar case，一時間要佢搵份副業唔容易，做私人公司經濟唔好有機會炒你，考慮入大學政府公營機構做，唔係因為人工高，係因為穩定，如無意外可做到退休，大前提要包醫療保險。

I.打份文職工，如果唔係有好特殊嘅技能，係咁上下。上咗位嗰啲就係上咗位，未上位人工都係咁上下，唯一方法可以轉跑道，學技能或者轉行，唔係都係喺個$2萬漩渦度。

J.老實講句，其實佢已經浪費咗自己好多時間。而家經濟環境咁差，加上香港始終暗地裡有年齡歧視。如果唔係中高層又唔係有咩專業，過咗40歲，其實好難轉工。就算俾你轉到，可能做多3、5、7年，都因為年紀大而被裁員。

K.認真答，唔好再諗Office工啦，連$26,000都搞唔掂，唔會搵到咩錢，啲所謂技能（Word 同Excel）可以忘記，不值一提。學一門有興趣嘅手藝，例如整蛋糕，2至3年之後整自家品牌推廣出去，品質好就搵到錢，好過喺Office死磨爛磨得$2萬。

40歲想增加收入的方法

帖文一出，網民都紛紛發表個人意見，有人認為事主提及的朋友姐姐，沒有特別技能，可以嘗試向公司詢問有否需要幫忙的地方，從而增值自己，不過公司只出街$20,000，可能代表已經到達「死位」。最好還是自我增值再跳槽。有網民直言與事主有相同狀況，他建議事主朋友的姐姐嘗試考入公營機構，全因私人機構可能會因經濟差而炒人。另外，有人指增加收入最好的方法，還是轉跑道，或學習特定技能。

中年轉行可以考慮甚麼崗位？

1. 私人教練
如果你本身喜歡做運動，又有心幫助他人達到他們的健身目標，不妨考慮成為健身教練。入行方法很多，通過培訓計劃或修讀課程，就可以成為私人教練。工作內容主要是為客戶設計鍛鍊方案，衡量客戶的表現，並激勵他們持之以恆。

2. 按摩治療師
除了水療中心（Spa），其實醫院、體育中心等機構都會聘請按摩治療師，只要你有一雙温柔的雙手，想幫助患者從疾病、痛苦中康復並紓緩壓力，不妨修讀相關的文憑或證書課程，成為專業的按摩治療師吧！

3. 護理員
隨着人口老化，長者服務需求日益增加，護理員就是一大熱門職位。護理員不但學歷要求較低，現時起薪亦不斷調高，更可以在日後進修，並晉身成為保健員。

4. 美容業
不想浪費你與生俱來的美感？投身美容業可以為客戶提供護膚、化妝品、髮型設計等服務，將你的興趣變成職業。另外，你也可以選擇用Freelance形式接Job，工作時間更為彈性。

5. 業務管理
企業管理是許多有意轉行人士的理想選擇，除了提供入門級管理和商業法的實踐培訓，日後可以從事各類職業，包括人力資源、電子資訊系統，甚至自己創業。現時有一些兼讀課程，即使是放工後也可以修讀，邊做邊學。

3個阻礙中年人士職涯發展的因素

阻礙職場中年人發展第1個因素：傲慢

➤當中年人隨着工作經驗的累積和技能的提升，他們很容易陷入一種自滿和自負的狀態。
➤普遍人初入職場時成長最快，全因為生存的壓力迫使他們學習及進步。
➤不過隨着時間推移，人會變得自滿及懶惰，當沒有外在壓力時，就會放鬆警惕，不再積極學習新事物。
➤然而，這種傾向會令人的思想變得自負與傲慢，對新的思考方式、新知識及新技能都不感興趣。
➤社交場合上，有人會只談自己熟悉的話題，不會主動傾聽別人的話，這種資訊「只出不進」，是傲慢的表現之一。
➤這種行為代表人某個領域很強，而對其他領域不感興趣，多數人都會保持這種狀態，難有突破。

✔改善方法：

職場中年人有傲慢態度是普遍存在的問題，如果要避免這種情況，人們需要保持學習的心態，不斷挑戰自己，擴展自己的視野。只有這樣，人才能在職場上保持競爭力，不被時代所淘汰。

阻礙職場中年人發展第2個因素：勤奮

➤很多人都自認非常勤奮，不過這種努力是否有用？作者格總指，曾聽過一位同事告訴他，之前90%的工作內容都沒有甚麼用，只有10%是可以應用到其他公司，甚至是行業上。
➤這10%並不是具體的工作內容，而是思考的結果，例如是對行業某個角度的看法，快速學習新事物的方法，以及待人接物的細微感受等等。
➤工作的本身當然很重要，但思考比工作本身更重要。當一個人剛進職場，不得不思考如何做事，如何與人打交道；當他對工作越來越上手，就會形成一套思維模式，少有思考。
➤有人雖然勤奮，但他忙得太累，以至於不再思考。這種「勤奮」成了他們的阻礙，無法再上一層樓。

✔改善方法：想要突破瓶頸，需要多思考，不要只盯着手頭上的工作。思考可以幫助我們找到更好的方法，提高工作效率，增強競爭力。勤奮固然重要，但思考更是不可或缺的。

阻礙職場中年人發展第3個因素：行業

➤前兩個職業瓶頸可以通過個人努力突破，但第三個瓶頸則與行業有關，這與個人的勤奮程度無關。不同的行業在賺錢速度上確實存在差異，因此轉行成為一個難題。
➤許多人詢問轉行的可行性，而作者格總認為，轉行的關鍵在於勇氣。過去15年中，格總在創業和打工的過程中，經歷了6個行業，涵蓋通訊、金融和能源等領域。每次跳槽都相當於轉行，因為在同一行業內成長空間有限。
➤怎樣才有跳槽的勇氣，格總的答案是：金錢。第一份工作時，雖然忙碌，但對消費興趣不大，存下了一些錢。首次跳槽時，作者計算過存款，發現足夠支撐兩年的生活，因此毫不猶豫地做出了決定。這次經歷讓他在後續的跳槽中不再感到糾結。
➤投資過程中，格總接觸過一些年收入10萬人民幣的二線城市技術人員。他們的生活雖然看似穩定，但抗風險能力較弱，儘管他們的能力和責任心並不遜色於年薪數10萬的同行。
➤即使不轉向金融或網路行業，年輕時也應該勇於嘗試其他高收入的行業

延伸閱讀：【職場熱話】人到中年 寧願做junior都唔肯升職？ 網民：呢啲先係人生贏家！

延伸閱讀：【轉工轉行】調查指47%中年打工仔因為想有更高人工而轉工 有咩要考慮？

延伸閱讀：【職涯規劃】50歲中年大叔唔識英文︰無學歷就無得做文職？

---

最新專訪片︰
【星級斜槓族】Tsoul田曜誠無懼現實殘酷 任旁人嘲諷仍堅持追逐跳舞夢 冀能成為有影響力的人