【見工中伏】面試官講嘢勁細聲又冇禮貌！FG見工遇到咁嘅情况算唔算中伏？

Fresh grad初出茅廬搵工不易，難得有Interview卻又面臨各種狀況。近日有畢業生於討論區「Dcard」分享自己見工時遇到的奇葩Manager，列舉對方種種令人不適的言行，向網民求教這種情況是否「有伏」。眾多網民表示這樣的面試並不正常，但亦有打工仔認為對方態度雖差，說的話並非無可取之處。

按圖即看事主分享及網民回應：

事主：「Interview前嗰part主要係HR講嘢，都正正常常。到咗見department啲人，個manager黑口黑面，講嘢勁細聲又冇禮貌，翹手翹腳成個大爺咁。跟住又話我唔熟相關知識，講佢哋department好忙，唔鍾意我成日問問題，除非優質問題；又話公司希望做嘢跟足程序，如果有自己嘅方法要問過supervisor先得。」

網民：「你覺得唔舒服就唔好做。」

網民：「唔算正常？我FG搵工都見咗差唔多十份，基本上個個都端端正正，同普通傾偈差唔多，應該係你遇到嘅manager問題。」

網民：「正常人會錫住FG，interview唔會咁直白，起碼唔會特登刁難人。」

網民：「佢講嘅嘢係正常，但態度都令人幾唔舒服。」

網民：「如果唔係direct under佢，人工、工作內容、環境其他方面都ok嘅話，都可以試吓，最多見唔對路，就試用期內辭職。」

網民：「如果覺得份工伏伏哋，其實可以直接blacklist。」

網民：「搵工係雙向，公司揀人，你都可以揀公司！」

網民：「Manager講嘅嘢我又覺得錯唔晒，每一間公司都適用。」

網民：「Interview都覺得唔舒服嘅話更加唔好入去做。」

網民：「Manager嘅態度唔係我選擇offer嘅因素，但會係我過唔過試用期嘅因素。」

理性看待面試體驗全面考慮Offer條件

大部分網民都認同求職是雙方平等交流的過程，面試官不應刁難求職者。不過求職者也不必過於氣憤，面試官都不過是打工人，無須將一次短暫的見面放在心上，應要理性地考慮各方各面的因素再決定是否接受Offer，入職之後亦可以再全面地考量，將選擇權始終掌握在自己手中。