Advertisement
除了今日午餐吃甚麼，返工着甚麼衫也是打工仔的一大煩惱。為了不耗費太多心機和時間在挑選服裝上，近日有網民在社交平台「Threads」分享他的小方法，如將返工和出街的衣物分開放，穿着固定幾套服裝上班。不料事主竟遭到同事提問，為何來來去去都是同樣的穿搭？不過大部分網民卻支持事主，表示返工時穿着都好隨意，甚至有網民稱會故意打扮得不太好看。
即睇事主分享及網民討論：
事主：「有冇人同我一樣返工同出街衫係分開，永遠都係嗰幾套衫着去返工，鞋仲要永遠着同一款同色，爛咗都買返嗰款。同事問親點解着來着去都係嗰幾件，我都係答因為我好窮。」
網民A：「冇分出街同返工衫，每次都係拎衣櫃最易拎嗰件就算（通常都係最面頭嗰件）。」
網民B：「返工一定係着有咁平得咁平嘅衫，出街先會着其他。」
網民C：「我試過答因為有洗衫，咁係得嗰幾套又點，跟住就冇人敢再問我。」
網民D：「我都係，仲會專登扮到超樣衰。」
網民E：「我都係分開放，返工、返學、出街、旅行、運動衫，全部係櫃度分好類。返工同私人時嘅我打扮得好似兩個人咁，收工放學如果出街我仲會換衫化妝，同學同事平時出街撞到都冇咁易認到我。」
網民F：「我哋個上司唔鍾意下屬着得求其，會當眾指出，我哋真係好慘。」
網民G：「返工衫一定係平平哋嗰啲，靚嘅貴嘅都唔會捨得着去返工。同埋會執定返工衫係邊幾set，連鞋都會。」
網民H：「我已經去到，返工、出街、瞓覺都係平嗰啲，超頹。」
網民I：「我連顏色都每日一樣，買咗五件。」
網民J：「返工永遠都係嗰兩套衫，阿媽次次見到都話想掉晒佢。仲要同款差唔多色，同事有時眼花以為好耐冇換衫。」
網民K：「返工又唔係見重要嘅人，所以咪着得求其啲囉。」
網民L：「我要見客要着貴啲，冇計。」
自由選擇着裝打扮
許多網民都提到返工和出街的着裝打扮有所不同，上班會選擇簡單、平價的衣物，最重要是方便舒適；亦有網民指出工作性質需要見客，就要注重打扮得體。休閒簡約的風格亦好，盛裝打扮亦好，只要乾淨整齊、合乎時宜，都是打工仔的個人選擇，不必理會他人的質疑。選擇自己喜愛的穿着風格，保持良好的工作心態，才是返工穿搭的重點。
即睇5個打工仔必學大快靚正穿搭：
見工穿得太正式反被嫌棄？按圖了解更多：
延伸閱讀：【職場穿搭】天氣轉涼 秋冬必學職場穿搭！其實唔一定要黑白灰 色彩繽紛一樣大方得體！
延伸閱讀：【職場衣着】返甲級寫字樓應該着咩衫？網民：第一日着得企企理理 之後觀察同事！
延伸閱讀：【職場衣着】Smart Casual與Business Casual男女穿著示範！見工番工必睇！
延伸閱讀：【返工打扮】細個幻想自己做事業女強人 着套裝、高踭鞋！大個只想着T恤波鞋？打工仔：原來咁嘅生活先係完美。
最新專訪片︰
