樓主：搵咗幾個月都未搵到工，老公又年尾被炒，又要供樓，小朋友支出又大！好多工都扮請人，Send出100份CV，見得2份，老公又被炒，又要開始搵工！好多公司都請外勞，有啲公司將重心搬去大陸，炒咗人唔再請。

網民A：我都係其中一個受害者，好多工種都請晒外勞，因為價錢平。再加上強積金對沖，下年5月就生效，所以好多公司都會先炒晒啲做得耐嘅，我都好頭痛好辛苦但冇辦法，我都估唔到今年可以過得咁慘。

網民B：不如揀外資啦，佢哋專請香港人（admin位）因為成條Team其他人全部已經係非香港人，所以一定有個位係香港人。

網民C：轉行啦！保安，保健員，健康服務助理。

網民D：咁咩工都申請吓，就算大人唔食，小朋友加供樓都好大開支！低啲人工都要做，好過日日清袋！

網民E：因為私人理由抖咗1年，第2年開始搵工但一直都搵唔到。想搵份普通文職14至15，係咪真係咁難？

網民F：聽聞家務助理好搶手，但係辛苦錢。

網民G：馬死落地行啦，辛苦勞動工都要做，如果只肯做普通文職坐office，老細真係大把選擇。

網民H：唉，香港人1年慘過1年。

網民I：有冇車牌？有車牌易搵工好多，而家外賣員都唔易做，只係夠自己食，養妻活兒難啲。

網民J：其實大把工請人，你要揀死某行業做就一定難。