Advertisement
曾幾何時，香港公務員職位被譽為「鐵飯碗」，但隨政府《財政預算案》宣布凍薪及削減職位，這份「穩定」正備受考驗。近日，在政府部門任職資訊科技（IT）工作長達8年的40歲中年港男在網上發文，表示突然遭到解僱，求職四處碰壁後，無奈轉做保安，月薪驟減感嘆「走投無路」，事件隨即在網上引發熱烈討論，網民反應呈現兩極。
按圖即看樓主分享及網民留言！
樓主：我今年40歲，喺政府資訊科技部門做咗八年T-con（技術合約員工）。每日朝9晚5，維護吓系統，人工4萬幾蚊，勉強夠養活我同老婆，仲有一對讀小學嘅仔女。雖然冇咩前途，但我成日覺得有份穩定工已經好好，至少一家四口仲有個家。
今年年頭，上司話減外判人手叫我下個月完約。40歲嘅我，經驗淨係得政府部門，私營公司嫌我老，又嫌我學唔到新技術。幾個月落嚟，淨係搵到份臨時保安工，收入連以前一半都冇。做政府工雖然份糧有一時嘅快感，但佢一唔要你，你基本上已經走投無路。
網民A：同政府工無關，所有工都唔係永遠。
網民B：天無絕人之路，雖然係喺政府度做，咁點都有8年經驗，都有機會搵返份工嘅。
網民C：邊個叫你入IT。
網民D：你都識講技術合約員工啦……咁合約始終有完的一天。
網民E：老土講句馬死落地行，只有接受。
網民F：失業好小事，係時候增值自己再出發，加油！
網民G：無野做咪揸住巴士頂住先囉，點都二萬五六好過零收入呀，到搵到啱心水工先轉返出去。
網民H：揸Uber都搵到食，頂住先，再慢慢搵工。
網民I：會唔會有其他出路而你唔覺？
網民J：做咗8年應該可以拎返長期服務金？
網民K：再搵唔到，去報建造學院全日制、短期、免費、有津貼，讀完有工介紹。
不少網民直指問題核心，強調現今職場已無真正的「鐵飯碗」，尤其合約制工作本來就存在風險，更有網民質疑事主為何不及早提升技能。有人感嘆「馬死落地行」是無奈現實，但也有人鼓勵事主將這次挫折視為轉機，建議可先從事巴士司機或Uber駕駛等過渡性工作，甚至報讀建造業課程開拓新出路。
畢業生想加入政府的3大原因
延伸閱讀：【職場進修】32歲人工仲係得$22,000 選擇進修係咪會人工高啲？網民：進修完其實唔等於多咗機會
延伸閱讀：【政府工實習】做完政府Intern冇人請？呻連文員、admin都搵唔到 網民：師姐姓賴？
延伸閱讀：【畢業生薪酬】大學社科畢業人工應該嗌幾多？網民：20-22K啦 唔好做爛市！
延伸閱讀：【鐵飯碗】政府工不用憂試用期？ 網民：不會炒但勸你辭職
最新專訪片︰
